الرئيسية
الا ياليتني عندك الا ياليتني وياك... كواني الشوق بغيابك عسى مشتاق توفيلك
الا ياغايب بجسمك والا ياحاضر بذكراك... هلابك عد ماكانت تسليني مراسيلك
طلبتك يابعد روحي حبيبي لايطول ابطاك... ترا مليت من صبري وجيت بشوق اغنيلك
تعال ولمها اشتات(ن) تعاتبني على فرقاك... وبعثر بالغلا قلب(ن) سهر ليله يناديلك
حبيبي مايطاوعني حنيني وان بغيت انساك... ذكرتك وابتسمت وقلت انا لبا تفاصيلك
عبرت بحلمي البارح خذيت النوم في ممشاك...حشى والله ماخنتك ولا فكرت تبديلك
اماكن مابها زولك حبيبي جعلها تفداك...تفنن ازعل وارضى وانا بسعى لتدليلك
احسك ضايق(ن) بالك ودمعك تسكبه عيناك... تكحل بالسهر عينك وتشكي من غرابيلك
تقول الهم طاويني الا يا معذبي مقساك...عجز هالليل يغفاني عساه الشوق يحكيلك
تعال ومسكنك صدري وقلبي مسندك واغطاك... هلابك والغلا يعزف على اوتاره مواويلك
نسيت اني على خبرك احبك وافهمك واقراك ...و نسيت اني عجزت انسى مع الايام حبي لك
